SEMANA DO LIBRO: MADRIÑAS E PADRIÑOS LECTORES

 Boas de novo familia Clementina:

Un ano máis, celebramos con moita ilusión a Semana do Libro no noso centro, e unha das actividades estrela foi, sen dúbida, a xa tradicional iniciativa de Madriñas e Padriños Lectores. Esta proposta tan especial converte aos nenos e nenas maiores en referentes lectores para os máis pequenos, creando un fermoso vínculo a través dos contos.

Durante as semanas previas, o alumnado preparou con coidado as lecturas escollidas en grupos, elixindo contos axeitados para o público infantil e practicando a entoación, a expresividade e a lectura compartida. Este traballo culminou nun momento moi agardado: a lectura no patio da escola, durante as dúas últimas horas dunha xornada da Semana do Libro, convertida xa nunha festa das palabras.

Os máis pequenos escoitaron con atención e ilusión os contos narrados polas súas madriñas e padriños lectores, que demostraron moita responsabilidade, cariño e entusiasmo no seu papel. Foi un momento cheo de emocións, no que os libros foron pontes entre idades, fomentando o gusto pola lectura e os valores da colaboración e o coidado mutuo.

Desde a Biblioteca queremos agradecer a todos e todas as participantes —lectoras e escoitadoras— por facer desta actividade unha experiencia tan significativa. Actividades coma esta lembran a todos que ler é compartir, e que os libros, cando viaxan de man en man e de voz en voz, medran e fan medrar.

Moitas grazas a todo centro, mestras e alumnas, por sacar adiante esta actividade!

OBRADOIRO DE RECICLAXE

 Bo día Clementinos e Clementinas:

O pasado 12 de maio, o noso centro acolleu unha charla educativa sobre reciclaxe, unha actividade organizada polo equipo de educación ambiental en colaboración coa Biblioteca. O obxectivo desta charla foi sensibilizar ao alumnado sobre a importancia do reciclaxe e o coidado do medio ambiente, fomentando hábitos máis responsables e sustentables no día a día.

Durante a sesión, os rapaces e rapazas tiveron a oportunidade de aprender de maneira práctica e amena sobre os diferentes tipos de residuos, os métodos axeitados para a súa separación e os beneficios que o reciclaxe ten para o noso planeta. A charla foi impartida por un experto na materia, quen compartiu co alumnado exemplos reais de como as nosas accións diarias poden ter un gran impacto no coidado do medio ambiente.

Un dos momentos máis interesantes foi cando o ponente explicou a importancia de reducir, reutilizar e reciclar en tres pasos simples, animando aos estudantes a levar esas prácticas ás súas casas e ao seu entorno. A actividade tamén incluiu algúns xogos e dinámicas que axudaron a interiorizar os conceptos de forma lúdica e participativa.

A través desta charla, queremos lembrar que a educación ambiental é unha parte fundamental do noso traballo diario e que todos, grandes e pequenos, temos un papel clave na protección do planeta. A Biblioteca do Centro segue comprometida coa formación dos nosos alumnos e alumnas, non só no ámbito literario, senón tamén en valores de sostibilidade e respectuoso co medio ambiente.

Agradecemos a todos os que participaron nesta charla e animamos a seguir aplicando os coñecementos adquiridos na nosa vida diaria. Coas pequenas accións de cada un de nós, podemos facer grandes cambios no mundo.

DÍA MUNDIAL DO AUTISMO

Boas a todas as familias e aos nenos e nenas de San Clemente:

O pasado 2 de abril, con motivo do Día Mundial do Autismo, o noso centro organizou unha actividade especial para sensibilizar a toda a comunidade educativa sobre a importancia de comprender e apoiar as persoas con trastorno do espectro autista (TEA). O lema deste ano, "Somos Infinitos", foi a base para as actividades realizadas, que buscaban destacar a singularidade e as habilidades infinitas de cada persoa, independentemente das súas diferenzas.

Durante a xornada, o alumnado de todos os cursos participou na creación dun simbólico símbolo de infinito, que foi plasmado nunha gran pancarta que decorou o centro. Este símbolo representaba a nosa crenza na infinita capacidade de cada persoa, e a súa forza e potencia como ser humano único. Para completar a actividade, fixáronse fotos con todo o alumnado reunido baixo a pancarta, creando un momento visualmente impactante que reflectía a unión do centro baixo o lema da actividade.

A parte máis reflexiva e educativa tivo lugar nas titorías, onde se falaron de maneira aberta e respectuosa sobre o autismo. O alumnado puido coñecer mellor o trastorno, as súas características e, sobre todo, as oportunidades de inclusión que todos e todas debemos promover na nosa sociedade. Para reforzar esta aprendizaxe, visionáronse varios curtometraxes que axudaron a sensibilizar aos nenos e nenas sobre a realidade das persoas con autismo, facendo que se sentirán máis identificados e comprendidos cos seus compañeiros e compañeiras.

Esta actividade foi unha oportunidade para que todos os membros da comunidade educativa do noso centro se unisen na tarefa de crear un espazo máis inclusivo e respetuoso. Como comunidade, sabemos que somos infinitos cando nos apoiamos mutuamente, celebramos as nosas diferenzas e aprendemos uns dos outros.

Queremos agradecer a todo o alumnado e profesorado pola súa implicación nesta actividade, e animar a seguir traballando xuntos para facer do noso centro un lugar onde todos, sen excepción, se sintan valorados e respectados.

Deixámosvos o video para que podades desfrutar deste nova actividade: