O NOSO PODCAST PARA OS PREMIOS JOSÉ HERMIDA, NA CADENA SER

Ola de novo a todas e a todos:

Hoxe estreamos o podcast "Caldas no bo camiño" gravado polo alumnado de cuarto de primaria. Este traballo é un programa de radio en formato magacine que presenta a nosa vila de Caldas de Reis a todos os oíntes da cadena SER para que poidan coñecer mellor o noso pobo.

Este podcast está nominado a mellor podcast de radio escolar nos premios

do concurso José Hermida da cadena SER que van ser entregados ás 10:30​ horas mañá venres 9 de maio, na sede da UNED en Pontevedra.

Animámosvos a seguir a gala nesta ligazón https://www.youtube.com/watch?v=Nfc7zPaHHKs ás 10:45 do venres e de seguido, escoitedes o programa especial cos gañadores, Hoy por Hoy Pontevedra-Arosa I Premios José Hermida ás 12:25 ben a través da aplicación ou das nosas emisoras convencionais: Radio Pontevedra no 98.7 fm, Radio Arosa 92.6 fm ou Radio Pontevedra Deza-Tabeiros 92.2 fm.

1º CONCURSO DE PODCAST NA CADENA SER

Bo día Clementinas e Clementinos:

Temos unha nova emocionante que compartir con toda a comunidade educativa: a nosa escola presentouse ao 1º Concurso de Podcast da Cadena SER… ¡e fomos seleccionados entre os doce centros finalistas!

O podcast que presentamos leva por título "Caldas no bo camiño" e foi realizado polo alumnado da aula de 4º de Primaria. Trátase dun programa de radio moi especial no que se explora a nosa vila, Caldas de Reis, desde a mirada curiosa e creativa dos máis pequenos.

A estrea oficial do podcast será o xoves 8 de maio a través das redes sociais do centro, onde poderedes escoitalo e compartir con nós este proxecto do que estamos tan orgullosos.

Seguiremos informando sobre esta aventura radiofónica tan especial. Grazas por acompañarnos sempre!