CHEGOU O NADAL!

Para rematar o trimestre fixemos unha festa de Nadal con diferentes obradoiros e chocolate con churros a cargo da ANPA do centro. Tamén tivemos a visita dos Reis Magos e tomamos as uvas clementinas.

Durante esta última semana preparamos agasallos, decoramos o centro e puxemos todo a punto para despedir o ano e festexar estas festas. Esperamos que o pasárades tan ben coma nos.

Felices Festas a todas e a todos!

RECOMENDACIÓNS LECTORAS PARA AS VACACIÓN DE INVERNO

Queridas e queridos lectores:

Xa tedes no voso espazo Abalar as novas recomendación de Inverno para este curso escolar. Como todos os anos dende o Equipo de Biblioteca do CEIP de San Clemente, queremos facervos algunhas recomendacións de lecturas para que pasedes o frío do xeito máis divertido posible. 

Grazas pola vosa atención e esperamos que vos guste.

Felices Festas! E vémonos o proximo ano!

VISITA DO CONCELLEIRO DE CULTURA, EDUCACIÓN, F.P. E UNIVERSIDADES

 NOVAS CLEMENTINAS!!!

Hoxe, tivemos a visita do Conselleiro de Cultura, Educación, Formación Profesional e Universidades anunciando un investimento de arredor de 425.000€ para reformas no centro. E, evidentemente, tamén pasou pola nosa Biblioteca a botar unha ollada.

Estas reformas non van ser simplemente melloras estruturais, senón a materialización dun compromiso coa seguridade, o confort e o ambiente propicio para a aprendizaxe. Non só vai beneficiar aos que actualmente forman parte desta comunidade educativa, senón que tamén sentarán as bases para xeracións futuras, proporcionándolle un entorno propicio para o seu desenvolvemento integral.

Estamos profundamente agradecidos á Consellería polo seu apoio e colaboración.

Podedes acceder a máis información no portal educativo da Xunta de Galicia pinchando nos seguintes enlaces:

• Portal educativo da Xunta de Galicia
• Portal da Xunta de Galicia

25N: DÍA CONTRA A VIOLENCIA MACHISTA

O pasado luns 27 de novembro, conmemoramos no centro o día internacional contra a Violencia de Xénero. Comezamos ca lectura dun manifesto elaborado polo alumnado de 6º de educación primaria no pavillón do centro diante do resto de alumnado e profesorado o cal se atopaba manifestándose contra esta lacra da nosa sociedade. Dende cada titoría preparáronse carteis reivindicativos que están expostos na parte exterior do centro para facer extensible a todos vós a nosa mensaxe. Rematamos este acto coa reproducción da canción "unha mirada máis".

Clicade para ver máis

MES DA CIENCIA EN GALEGO

Durante o mes de Novembro, festaxamos o Mes da Ciencia da mellor maneira posible, facendo Ciencia e aprendendo novos conceptos.

O alumnado de Educación Infantil, desenvolveu na nosa Biblio Clementina un obradoiro de experimentos dando remate a este Mes da Ciencia en Galego. Primeiro, realizaron o "Fluído non Newtoniano" que consiste en mesturar fariña de millo con auga para xerar un fluído chamado "non Newtoniano", é dicir, que non ten unha viscosidade definida. Por iso, cando lle aplicamos moita presión compórtase como un sólido mentres que se lle aplicamos pouca, coma un líquido.

Despois, experimentaron coas luces e coas cores. Precisaron uns botes de cristal, colorante de cores, auga, unha lanterna e escuridade. Desta forma, a luz atravesa o vidro transparente proxectando as cores que contén. É así como conseguimos luces de cores!!

Desfrutade deste precioso video feito con todo o cariño polo noso alumnado de Educación Infantil:

https://www.youtube.com/watch?v=g03IVW-UA9c

Os rapaces e rapazas de 5° de Educación Primaria, con motivo do mes da ciencia, quixemos facer a nosa aportación para visibilizar algunhas das grandes mulleres científicas ao longo da historia; para elo fixemos unha labor de investigación de 12 mulleres científicas que recollemos nos nosos lapbook. Finalmente, culminamos o mes da ciencia converténdonos en científicos extraendo o ADN dalgunhas froitas como amorodos, plátanos e kiwi. Empregamos un microscopio e unha lupa binocular para ver como estaba formada a cadea do ADN.

O rapaces e rapazas de Educación Primaria, tamén fixeron a súa aportación, visibilizando a algunhas das grandes mulleres científicas ao longo da historia; para elo fixeron unha labor de investigación de 12 mulleres científicas que recollero nos seus lapbook. Finalmente, culminaron o mes da ciencia converténdonos en científicos extraendo o ADN dalgunhas froitas como amorodos, plátanos e kiwi. Empregando un microscopio e unha lupa binocular para ver como estaba formada a cadea do ADN.

É para ver o ben que o pasaron e o moito qe aprenderon deixámosvos este video resumo:

https://fb.watch/s2Qth6X8Vr/

Viva a Ciencia na Escola, e viva a Ciencia en Galego

DÍA DA VISIBILIZACIÓN DO TDAH

 O pasado 27 de outubro celebrouse o día do TDAH en España. O trastorno por déficit de atención e hiperactividade é unha afección crónica. Inclúe unha combinación de problemas persistentes, tales como dificultade para manter a atención, hiperactividade e comportamento impulsivo.

Dende o Departamento de Orientación animámosvos a visualizar un pequeno vídeo: "TDAH: Tú Decides AHora" co que estivemos traballando nas aulas.

Esperamos que vos guste.

#tdahinfantil

MAGOSTO CLEMENTINO 23/24

 O pasado venres, 27 de outubro, tódolos nenos e nenas do colexio celebramos o magosto acompañados das nosas familias. Foi unha mañá cargada de ledicia e risas grazas aos xogos magosteiros: carreira de sacos, estoupa globos, o xogo da castaña e o tiro da corda. Os alumnos/as de 6° EP foron os encargados de adozar a xornada cunhas castañas asadas así coma cuns saborosísimos doces caseiros. Moitas grazas por acompañarnos neste día.

Samaín Clementino 23/24

 O xoves, 26 de outubro, celebramos o Samaín cun obradoiro de cabazas para dar por rematada a estación do verán e dar a benvida ao outono; mantendo así a tradición que comezaron os nosos antepasados celtas de tallar cabazos para os defuntos.

Aproveitamos para mesturar os grupos e traballar en equipo e quedounos a mellor exposición de cabazas de todo Caldas e incluso de Galicia, pero non queremos presumir!! Grazas familias pola vosa colaboración!!

para dar por rematada a estación do verán e dar a benvida ao outono; mantendo así a tradición que comezaron os nosos antepasados celtas de tallar cabazos para os defuntos.

GOZA DO TEU SAMAÍN

 A nosa curtametraxe, GOZA DO TEU SAMAÍN, foi seleccionada como finalista da Sección Escolas Galegas do FICBUEU 2023 dentro da categoría de Educación Especial, Infantil e Primaria. O alumnado de 4º de Educación Primaria, creador da curta o curso pasado, puido participar no festival GALA ESCOLAS GALEGAS celebrada no Centro Social de Bueu o pasado 23 de setembro, xunto cos demais finalistas. Aínda que non obtivemos o premio gañador pasámolo en grande. Deixámosvos unhas fotos do día. Deixamosvos o enlace ao link de facebook para que podades volver a ver esta maravillosa produción: https://www.facebook.com/100063670388504/videos/pcb.865450122253993/875510757127744?locale=es_ES

INSTALACIÓN DE OUTONO EN EDUCACIÓN INFANTIL

Para adentrarnos no outono, os nenos e nenas de Educación Infantil fixeron unha saída pola nosa contorna máis próxima, aproveitando para recolectar diferentes produtos do outono como castañas, landras, follas de diferentes árbores, piñas... Todo isto utilizárono para facer unha instalación xunto con outros aportados polas familias.

As instalacións constitúen espazos de experimentación no que os nenos e nenas, a partir de obxectos sinxelos e atractivos, van construíndo os seus propios coñecementos. Para elo, as mestras dos máis pequenos e pequenas prepararon o espazo previamente cos diferentes produtos para que elas e eles poidesen experimentar dun xeito libre.

Viva o Outono!

LETRAS GALEGAS 2023

Presentamos os Podcast creados polo alumnado de Educación Infantil e de 4º e 5º de Primaria, para a conmemoración do Día das Letras Galegas 2023.

Debemos mencionar que estes Podcast presentáronse ao

V Concurso de Podcast de Radio na Biblio.

DÍA DO LIBRO 2023

Madriñas e padriños lectores 2023 de Biblioteca San Clemente

CONTACONTOS VEXO, VEO XACOBEO 2023

Vexo veo xacobeo 2023 de Biblioteca San Clemente

CIENCIA NA ESCOLA 2023

Coa celebración da Semana da Ciencia, en Caldas de Reis, o alumnado de Educación Infantil recibiu unhas sesións de experimentos moi orixinais.

Ciencia na Escola 2023 de Biblioteca San Clemente

Tamén tivemos sesións para o alumnado de Primaria.

CHARLA PROXECTO TERRA 2023

Charlas relacionadas co Proxecto Terra desenvoltas neste curso 22-23.

Proxecto Terra 2023 de Biblioteca San Clemente

MAIOS 2023

 Breve resumo da elaboración dos Maios neste curso 22-23.

Maios 2023 de Biblioteca San Clemente

FUNDACIÓN "AMIGOS DE GALICIA"

Visitou o noso Centro a "Fundación Amigos de Galicia", aproveitando a celebración do día da Paz nesta semana.

O alumnado de 4º, 5º e 6º de Primaria recibiu unha charla na que lles explicaron as súas actividades, os servizos que ofrecen e as doazóns e colaboracións que levan a cabo.

Ao Finalizar, fixeron unha gravación co alumnado de 6º de Primaria, para montar un video en colaboración con outros centros educativos, mostrando o noso apoio á poboación de Ucraína.

En canto teñamos acceso ao video, publicarémolo para que o poidades ver.

CHARLA VIOLENCIA DE XÉNERO E ACOSO ESCOLAR

O martes 18 de outubro, o alumnado de 5º e 6º de Educación Primaria recibiu unhas charlas informativas relacionadas coa Violencia de Xénero e o Acoso Escolar, impartidas pola Garda Civil do Concello de Caldas de Reis (as relatoras foron as axentes Ruth e Pepi).

Estas charlas informativas están incluidas no PLAN DIRECTOR para a convivencia e a mellora da seguridade nos Centros Educativos e nos seus contornos para este curso 22-23; plan promovido pola Consellería de Educación.

Aquí tedes as fotos da actividade que se desenvolveu na Biblioteca Escolar do Centro.

CHARLA CIBERSEGURIDADE

O venres 21 de outubro, o alumnado de 5º e 6º de Educación Primaria recibiu unha charla informativa relacionada coa Ciberseguridade (Riscos de seguridade nas novas tecnoloxías e nas Redes Sociais), impartida pola Garda Civil do Concello de Vilagarcía de Arousa (o relator foi o axente Lustres).

      Esta charla informativa está incluida no PLAN DIRECTOR para a convivencia e a mellora da seguridade nos Centros Educativos e nos seus contornos para este curso 22-23; plan promovido pola Consellería de Educación.

      Aquí tedes as fotos da actividade que se desenvolveu na Biblioteca Escolar do Centro.

DÍA DA MULLER - 8M 22-23

Con motivo da conmemoración do 8-M organizamos no centro unha serie de charlas en colaboración coa fundación Inspiring Girls, a cal ten por misión aumentar as inspiracións das nenas, poñéndoas en contacto con mulleres inspiradoras que poidan servirlles de exemplo e referentes.

Este curso contamos con S.H. Consultora do Grupo Coren, D.O. Avogada e MªT. F. Garda Civil.

Moitas grazas pola súa colaboración co noso centro!

Nesta actividade relacionada coa temática do 8-M o alumnado de Educación Infantil asistiu no auditorio de Caldas de Reis á obra "Circo na casa" de Mere Clown e o alumnado de Educación Primaria gozou da obra "Travesías" de Raquel Queizás na escola.

ROSALÍA DE CASTRO 22-23

Compartimos con vós a Conmemoración do Día de Rosalía de Castro que fixemos no centro o pasado 23 de febreiro. Nesta actividade, o alumnado do centro, prantou por titoría unha camelia na honra da autora no patio da escola para simbolizar e visibilizar o noso compromiso co uso do galego.

DÍA DA PAZ 22-23

Programa da Radio Clementina reivindicando a Paz no mundo.

Outra das actividades foi a visita ao noso Centro a "Fundación Amigos de Galicia", aproveitando a celebración do día da Paz nesta semana.

O alumnado de 4º, 5º e 6º de Primaria recibiu unha charla na que lles explicaron as súas actividades, os servizos que ofrecen e as doazóns e colaboracións que levan a cabo.

Ao finalizar, fixeron unha gravación co alumnado de 6º de Primaria, para montar un video en colaboración con outros centros educativos, mostrando o noso apoio á poboación de Ucraína.

25N curso 22-23

Primeiro programa da Radio Clementina, elaborado polo alumnado de 6º de Primaria para conmemorar o Día contra a Violencia de Xénero.

Mural elaborado polo alumnado de 4º de Primaria para conmemorar o 25N.

DÍA DAS BIBLIOTECAS ESCOLARES 22-23

O equipo de Biblioteca conxuntamente co EDLG do Centro, e coa colaboración e participación do alumnado de 5º de Primaria, elaboráronse unha serie de actividades que se desenvolveron o 24 de outubro de 2022, Día das Bibliotecas Escolares.

Nestes videos podedes ver as actividades que se levaron a cabo.

KAMISHIBAY PARA O ALUMNADO DE INFANTIL E 1º E 2º DE PRIMARIA

ACTIVIDADE DE BUSCA DE INFORMACIÓN PARA O ALUMNADO DE 3º A 6º

Dia das Bibliotecas 2022 de Biblioteca San Clemente