Arrancamos un novo curso na nosa Biblioteca Clementina con máis enerxía que nunca e cargados de novidades. Este ano, o fío conductor que encherá de vida o noso colexio será o mundo das ondas: A Radio.
Non camiñamos sós. A biblioteca será o corazón de moitas actividades, pero traballaremos man a man nunha coordinación estreita con outros equipos fundamentais do centro como o Equipo de Dinamización da Lingua Galega (EDLG) para potenciar o uso da nosa lingua a través dos micros; o Equipo de Estraescolares, para dar visibilidade a todo o que acontece fóra das aulas; e o Claustro de mestres, integrando a radio como unha ferramenta de aprendizaxe en todas as materias.
Neste blog iremos colgando todas as actividades planificadas e organizadas polo Equipo de Biblioteca. Será o noso escaparate para:
- Escoitar pódcast e programas que o alumnado vai gravando.
- Ver as fotos das xornadas especiais ou obradoiros.
Estamos convencidos de que a radio nos axudará a mellorar a comunicación, a creatividade e, sobre todo, a divertirnos aprendendo.
Preparade os cascos... porque empezamos a emitir!
Na entrada principal recolleremos as actividades propias da biblioteca e para acceder ao proxecto do centro accederedes dende o proxecto do centro (Radio Clementina (marxe dereito).
Empezamos a organizarnos...
Estade atentos/as!!