Sistema de préstamo e mochila viaxeira

 Pechamos os libros deste curso, pero as historias quedan con nós. 

Esta semana damos por finalizado o servizo de préstamo e o programa de "Mochilas Viaxeiras" deste ano escolar. Foi unha auténtica marabilla ver as caras dos nenos/as ao coller un conto novo, ou ao contar as aventuras que vivistes coas mochilas que pasaron por tantos fogares.

Lembrade: É o momento de devolver todos os exemplares pendentes para que estean listos para o vindeiro curso.

Visita do escritor Miguel A. Alonso Diz

Hoxe tivemos una visita moi especial: o escritor Miguel Anxo Alonso Diz, autor do libro "O país da choiva"de Antela Editorial, o cal o alumnado de 4º, 5º e 6º de Primaria estivo traballando durante este trimestre. Foi unha oportunidade única para coñecer de preto o autor, compartir impresións sobre a obra e resolver as dúbidas e curiosidades que xurdiron ao longo da súa lectura.

Letras Galegas 2026

Este curso as ondas da nosa radio guían todo o que facemos, e os murais do cole van mudando de forma segundo a temática que sintonizamos. Hoxe, o noso dial detense na vida e na obra de Begoña Caamaño.

Cada ciclo do cole puxo a súa creatividade para dar forma a esta homenaxe, e neste vídeo recollemos o espectacular resultado final coa mellor banda sonora posible. 

Dálle ao play, sube o volume e sintoniza co orgullo polo noso!

"Descubrindo a Begoña Caamaño" é un podcast do alumando de terceiro de primaria co que celebramos un día moi importante paraa nosa escola: o día das letras galegas 2026. Este ano asícase esta data á escritora e xornalista Begoña Caamaño. Neste traballo conoceremos un pouco máis a fondo a esta autora galega, a súa vida e a súa obra. 

Nesta data conmemoramos a nosa lingua, o galego, un patrimonio inmaterial moi importante para todos e todas as galegas e os galegos. Neste pódcast celebramos esta data cun programa sobre Begoña Caamaño, a escritora seleccionada este ano pola Real Academia Galega para celebrar a súa obra e a súa vida. Agardamos que vos guste e que sirva para coñecer un pouco mellor a esta autora galega.

Festa da Lingua

Xa chegou a gran cita co galego! Este venres 15 de maio, o Aparcadoiro da Tafona converteuse no epicentro da nosa lingua.

Ás 10.30 deu comezo a XII Festa da Lingua cos colexios e institutos da zona.

A partir das 12.25 houbo unha emisión en directo do programa "Hoy por Hoy" da Cadena SER (Pontevedra-Arosa). Radio en vivo desde a Festa!

Tamén tivemos música en directo co grupo The Rapants para poñerlle ritmo a esta xornada tan especial.

A palabra BICO foi o fío conductor da festa da Lingua 2026. Este vídeo recolle un resumo da microcreación elaborada por Educación Infantil e que foi reproducido durante a Festa da Lingua. 

Nesta creación o alumnado quixo homenaxear a súa vez a Begoña Caamaño. 

Así foi a proxección en directo plena festa!

Ás portas do Día das Letras Galegas, así é como as novas xeracións celebran a Lingua: microcreacións, micropoemas, microrelatos, monólogos e moita música! Pero nesta festa tamén celebramos a homenaxe á bibliotecaria Cris de Caldas e, como broche final, máis de mil alumnos alumnos bailaron ao son da banda The Rapants.

Velaquí a actuación musical da nosa escola!Un aplauso para á nosa rapazada que o fixo marabillosamente!

Manuela Velo foi a encargada de representar ao noso centro co seu micropoema. Estades desexando vela recitando o seu poema?

Aquí podedes ver o seu momento. Bravo Manuela!

E como broche final... as imaxes falan por sí soas!

A Festa da Lingua deunos momentos marabillosos. Despois de compartir os vídeos do gran talento que temos no colexio, hoxe deixámosvos unha escolama fotográfica cos mellores momentos e os sorrisos máis auténticos da xornada.

Porque a nosa lingua fálase, cántase, escríbese... e tamén se celebra co corazón!

Que viva a nosa lingua!

Visita de Kalandraka Galicia

Xa recibimos o lote de libros do Segundo Premio José Hermida de radio escolar. Hoxe contamos coa visita de Kalandraka Galicia na nosa biblioteca escolar. Moitas grazas pola visita e polos libros!

Maleta Ponte a Zero

Este mes recibimos no cole a maleta "Ponte a Zero" da biblioteca e centro de documentación ambiental do CEIDA. Puidemos gozar de libros informativos e literarios sobre a temática dos residuos, a compostaxe e os hortos escolares. Este programa, desenvolto polo CEIDA e pola Deputación de Pontevedra, ten como obxectivo conciencia á comunidade escolar sobre a problemática do lixo e da reutilización dos residuos. 

Madriñas e Padriños lectores

Hoxe o noso patio transformouse nun escenario de fantasía coa actividade "Madriñas e padriños lectores". baixo a sombra das árbores e en contacto directo coa natureza, os nosos maiores convertéronse en guías de historias incribles para os máis pequenos. Dez puntos de contacontos diferentes enchéronse de sorrisos, ollos abertos de asombro e moito cariño. Ver aos nenos e nenas compartir este tempo de lectura ao aire libre é marabilloso. 

Visita da escritora María Canosa

Con motivo da celebración do Día do Libro tivemos a sorte de contar no cole coa presenza dunha gran escritora: María Canosa.

O noso alumnado desfrutou moito coa actividade. Puideron facerlle preguntas, comprender a orixe do libro que leron na aula, recibir un autógrafo da escritora e mesmo facerlle unha entrevista na radio escolar no programa Micro Aberto. 

Micro Aberto é un programa especial de Radio CLementina adicado a entrevistas con persoas que visitan o noso centro ou que están relacionadas con actividades que se realizan ao longo do curso. No cuarto capítulo tivemos unha convidada especial : María Canosa, quen traballou como enxeñeira e foi Directora de Proxectos no Centro de Coñecemento da Costa da Morte. desde os seus inicios profesionais compaxinou a súa faceta de enxeñeira coa de escritora, así como a de guionista de distintos programas da TVG. Dalgunhas das súas obras fixéronse adaptacións teatrais. 

Colabora como articulista en La Voz de Galicia, e foi contertulia en varios programas radiofónicos da Radio Galega e Radio Voz. Ocupou o posto de "experta" en letras no concurso Cifras e Letras da TVG, desde setembro de 2011, ata principios de 2013, cando deixou de emitirse o concurso. Cifras e Letras foi substituído polo concurso Verbas van, no que tamén ocupou o posto de experta. Actualmente mantén esta actividade no programa Coma un allo. 

Recibiu distintos premios literarios, entre os que destacan o Premio Merlín de Literatura Infantil, convocdo por Edicións Xerais, no ano 2017, pola obr Muriel.

eeee

Día do libro en Educación Infantil

 ¿Recordades a exposición fotográfica que fixeron os nenos e nenas de Educación Infantil para o Día das Artes Galegas? Aquelas fotos en branco e negro, con marcos dourados, que seguían a pegada de José Suárez e o seu can Mambrino...Pois fomos un paso máis alá!

Aquela "Ollada de amizade" non só quedou colgada na parede. Convertémola en literatura. 

Hoxe, polo Día do Libro, o alumnado de Educación Infantil por fin ten nas súas mans o resultado dunha viaxe creativa onde eles mesmos e as súas mascotas son os protagonistas. Hoxe, marchan para casa con este tesouso baixo o brazo e un marcapáxinas de recordo. 

Clic! Seguindo o rastro de Mambrino.

Día das Artes Galegas

Hoxe, 1 de abril, Día das Artes Galegas, queremos compratir un proxecto que nos roubou o corazón. Como fixo no seu día José Suárez co seu inseparable can Mambrino, as nosas familias de infantil sacaron a súa cámara para retratar a amizade máis pura.  Despois de traballar coas fotografías na aula e buscar información sobre o fotógrafo, o alumnado de Educación Infantil preparou a súa exposición homenaxe a José Suárez: "Olladas de amizade: seguindo o rastro de Mambrino", un percorrido en branco e negro por esas relacións tan especiais coas súas mascotas. Unha homenaxe a vida e a compaña, incluindo tamén un recordo moi especial para as mascotas que xa non están con nós pero que seguen vivas na nosa memoria. 

Día da Poesía

O Día da Poesía foi establecido pola UNESCO para promover a lectura e a creación literaria en todo o mundo. E que mellor xeito que celebralo que co talento do noso alumnado? Os nenos e nenas de cuarto de educación primaria agasalláronnos cun recitado moi especial: un poema de Emilio Santamarianas ilustrado por eles mesmo con moito agarimo.
Ademais , hoxe tamén festexamos o Día da árbore. Por iso, os nosos alumnos e alumnas escolleron un poema que fala do carballo, a nosa árbore por excelencia e símbolo galego de forza, resistencia e vida. Agardamos que vos guste tanto como a nós!

Ademáis, o alumnado de educación primaria realizou unha actividade ben fermosa para conmemorar este día. A proposta consistiu na creación dun poema, no que o alumnado puido dar renda solta á súa creatividade e expresar as súas emocións a través das palabras. Todos os participantes tiveron a oportunidade de formar parte dun concurso, facendo da actividade unha experiencia aínda máis motivadora e enriquecedora. Esta proposta foi aberta tamén ás familias e profesorado e gustounos moito a súa participación. Deixámosvos un video resumo da actividade e a continuación a Gran Gala da Poesía 2026 retransmitida en Radio Clementina. 

Visita á Biblioteca Pública Municipal de Caldas de Reis (6º EP)

Logo da visita guiada á Biblioteca de Caldas, o alumnado de sexto de educación primaria, participou nun xogo de pistas, por equipos, para atopar "libros despistados".

Encontro PLAMBE 2026

Hoxe a coordinadora da biblioteca, Vanesa Barcala, asistiu a o Encontro PLAMBE 2026 que reúne ás máis de 900 persoas coordinadoras dos centros educativos.

Elas sempre contan (8M)

Hoxe compartimos unha sesión moi especial de contacontos pola igualdade, na nosa biblioteca, con Raquel Queizás, onde as historias invitáronnos a reflexionar, imaxinar e sentir desde o respecto, a igualdade e a diversidade. Elas sempre contan.

Visita á Biblioteca Pública Municipal de Caldas de Reis (5º EP)

Hoxe o noso alumnado de quinto de educación primaria visitou a Biblioteca Pública Municipal de Caldas de Reis.

Día de Rosalía

Comezamos a semana co Día de Rosalía. Os nosos corredores convertéronse en poesía viva. O alumnado puxo todo o seu talento e sensibilidade para decorar o centro cos versos inmortais de Cantares Gallegos despois de escoitar o programa especial de Radio CLementina adicado a Rosalía.  

Rosalía entre todas e todos é un programa especial de Radio CLementina co que a nosa escola celebra, este 23 de febreiro de 2026, o día da nosa poetísa nacional: Rosalía de Castro. Neste pódcast podedes escoitar a biografía desta xenial escritora e tamén un dos poemas do seu traballo máis coñecido, "Cantares Gallegos", recitado por varias alumnas e alumnos de todos os cursos de infantil e primaria do centro. Que viva Rosalía! Que viva o galego!

 

Visita á Biblioteca Pública Municipal de Caldas de Reis (3º- 4º EP)

Onte os nenos e nenas de terceiro e cuarto de educación primaria visitaron a Biblioteca Pública Municipal de Caldas de Reis. Foi unha xornada fantástica para descubrir novos mundos, aprender como funciona a biblio e, sobre todo, alimentar as ganas de ler. Moitas grazas ao personal da Biblioteca por recibirnos!

Non hai cousas de neno e cousas de nena: só de persoas.

 Os nosos nenos de Educación Infantil asistiron no Auditorio Municipal de Caldas de Reis ao espectáculo "Non hai cousas de neno e cousas de nena: só de persoas". A través dos contos da fada Menta, aprendemos que non existen etiquetas e que a igualdade e a diversidade nos fan máis libres. 

Día da non Violencia e a Paz

No día da non Violencia e a Paz queremos compartir con tod@s vós algo moi especial. Así de decorado quedou o noso colexio. ESte vídeo mostra as boas novas coas que nos atopamos nos nosos xornais: Historias reais de respecto, solidariedade, diálogo e convivencia. Porque a paz non é só un desexo, constrúese cada día con pequenas accións: escoitar, axudar, incluir e dicir non á violencia.

Para conmemorar este día o alumnado de terceiro e cuarto puxeronse máns a obra para elaborar uns podcast onde nos explican que é o premio nobel da paz e cal sería apocema para a paz.

“O nobel do mes” é unha serie de cuarto de primaria que nos adentra no mundo dos premios nobel, os premios máis populares, prestixiosos e importantes do mundo. Seguindo esta serie de pódcast, non só coñeceremos a súa historia senón que tamén aprenderemos moito sobre ciencia, literatura e cultura. Este segundo capítulo está adicado ao premio nobel da paz.

Apócema para a paz” é un novo pódcast dos nenos e nenas de terceiro de primaria no que nos dan a súa particular receita para facer unha apócema que nos traia a paz aos tempos tan complicados que vivimos no mundo. Escoitade moi ben os consellos tan sabios que nos dan os nosos compañeiros e compañeiras de terceiro de primaria e animadevos a facer a vosa propia “apócema…para a paz”.

Visita á Biblioteca Pública Municipal de Caldas de Reis (1º-2º EP)

O pasado venres 16 de xaneiro, o alumnado de primeiro e segundo de educación primaria visitou a Biblioteca Pública Municipal de Caldas de Reis. Unha actividade fantástica para fomentar o hábito lector dende cativos.Grazas por recibirnos!