Os nenos e nenas de Educación Infantil deron un paso importante fóra da aula, coñecendo de preto a Biblioteca Municipal de Caldas de Reis.
Esta actividade é clave para coñecer recursos da comunidade, fomentar hábitos de lectura e o uso de espazos públicos e desenvolver a curiosidade e a imaxinación. Exploraron os andeis con curiosidade, escoitaron contos cos ollos moi abertos e aprenderon o importante e divertido que é coidar os libros.