Bo día a todas e a todos!
O pasado 21 de marzo, coincidindo co Día da Poesía e o Día da Árbore, a Biblioteca do noso centro acolleu unha actividade moi especial. O alumnado de 4º de Primaria participou na creación de varias poesías inspiradas na natureza, unha maneira fermosa de conmemorar ambos os días e de conectar co mundo que nos rodea.
A actividade tivo como obxectivo fomentar a creatividade dos rapaces e rapazas, ao mesmo tempo que se reflexionaba sobre a importancia de coidar o medio ambiente e valorar a natureza. A través das súas palabras, os nosos pequenos poetas expresaron a súa visión das árbores, os animais, as flores e os diferentes elementos naturais que forman parte do noso día a día.